୧୫ ଅଗଷ୍ଟ ଗୁରୁବାର ଦିନ ବକ୍ସ ଅଫିସ୍ ପାଇଁ ବର୍ଷର ସବୁଠାରୁ ବଡ ଦିନ ହେବାକୁ ଯାଉଛି। ରିଲିଜ ହେବାକୁ ଯାଉଛି ୫ ଟି ବଡ଼ ଫିଲ୍ମ। କିନ୍ତୁ ଗୋଟିଏ ପରେ ଗୋଟିଏ ବଡ ବଡ ଫିଲ୍ମ ସେମାନଙ୍କର ରିଲିଜ୍ ତାରିଖକୁ ସ୍ଥଗିତ ରଖିଛନ୍ତି। ଏହି ଦିନ ‘ସିଙ୍ଘମ୍ ଏଗେନ୍’ ଏବଂ ‘ପୁଷ୍ପା୨’ ମଧ୍ୟରେ ସଂଘର୍ଷ ହେବାକୁ ଯାଉଥିଲା। କିନ୍ତୁ ଦୁହେଁ ଫିଲ୍ମର ରିଲିଜ୍ ତାରିଖକୁ ସ୍ଥଗିତ ରଖିଦେଲେ।
ଏହା ପରେ, ପୁଣି ଥରେ ଏହି ତାରିଖକୁ କ୍ୟାପଚର କରିବାର ରେସ୍ ଆରମ୍ଭ ହୋଇଯାଇଛି। ଏହି ପ୍ରତିଯୋଗିତା ସାଉଥ୍ ଏବଂ ବଲିଉଡ ମଧ୍ୟରେ ହେବାକୁ ଯାଉଛି। ଏହି ଦିନ ଶ୍ରଦ୍ଧା କପୁର ଏବଂ ରାଜକୁମାର ରାଓଙ୍କ ହରର୍-କମେଡି ଫିଲ୍ମ ‘ସ୍ତ୍ରୀ ୨’ ରିଲିଜ ହେବାକୁ ଯାଉଛି।ସେହିପରି ଜନ୍ ଆବ୍ରାହମ୍ଙ୍କ ଆକ୍ସନ୍ ଫିଲ୍ମ ‘ବେଦା’ ମଧ୍ୟ ଅଗଷ୍ଟ ୧୫ ରେ ରିଲିଜ୍ ହେବା ନେଇ ପକ୍କା ହୋଇଛି।
‘ପୁଷ୍ପା ୨’ ରିଲିଜ୍ ହେବା ସ୍ଥତିତ ହେବା ପରେ ଏବେ ଏହି ତାରିଖରେ ‘ଖେଲ୍ ଖେଲ୍ ମେଁ’ ରିଲିଜ୍ ହେବାକୁ ଯାଉଛି। କୋଲାର ଗୋଲ୍ଡ ଫିଲ୍ଡ ଉପରେ ଆଧାରିତ ତାମିଲ ଫିଲ୍ମ ‘ଥଙ୍ଗଲାନ୍’ ମଧ୍ୟ ଅଗଷ୍ଟ ୧୫ରେ ରିଲିଜ ହେବାକୁ ଘୋଷଣା କରାଯାଇଛି। ସେହି ଦିନ ପୁଣି ରାମ ପୋଥେନେନିଙ୍କ ଆକ୍ସନ୍ ଫିଲ୍ମ ‘ଡବଲ୍ ଇସ୍ମାର୍ଟ’ ମଧ୍ୟ ରିଲିଜ୍ ହେଉଛି।
ତେବେ ବର୍ତ୍ତମାନର ପରିସ୍ଥିତି ବିଷୟରେ ଯଦି କୁହାଯାଏ ତେବେ ‘ସ୍ତ୍ରୀ ୨’ ଅନ୍ୟ ଦୁଇ ହିନ୍ଦୀ ଚଳଚ୍ଚିତ୍ରଠାରୁ ବହୁ ଆଗରେ ଅଛି। ସେହିପରି ଅଭିନୟ ଏବଂ ବିଷୟବସ୍ତୁ ଦୃଷ୍ଟିରୁ ବିକ୍ରମଙ୍କ ‘ଥାଙ୍ଗଲାନ୍’ ପ୍ରତ୍ୟେକ କ୍ଷେତ୍ରରେ ଏକ ଚମତ୍କାର କାମ କରିଛି। ତେବେ ଅଗଷ୍ଟ ୧୫ରେ ତ ଏହାର ନିଷ୍ପତ୍ତି ହେବ, କିନ୍ତୁ ସାଉଥ୍ ଆଗରେ ରହିବ ବୋଲି ଏଥିରୁ ଅନୁମାନ ହୁଏ।