ଫୋନ୍ ରୁ ଫୋନ୍ ଘୁରି ବୁଲୁଛି ଫଟୋ । ଆଇସକ୍ରିମରୁ ବାହାରିଲା କଟା ଆଙ୍ଗୁଠି । କଥାଟି ହୁଏ ତ ଆପଣଙ୍କୁ ଆଶ୍ଚର୍ଯ୍ୟ ଲାଗୁ ଥାଇପାରେ । ମାତ୍ର କଥାଟି ସତ୍ୟ ।
ଏଭଳି ଏକ ଆଶ୍ଚର୍ଯ୍ୟ ଜନକ ଘଟଣା ଦେଖିବାକୁ ମିଳିଛି ମୁମ୍ବାଇରେ । ମୁମ୍ବାଇର ମଲାଡ ଅଞ୍ଚଳର ଏକ ମହିଳା ଆଇସକ୍ରିମ ଖାଉଥିବା ବେଳେ ସେଥିରୁ ଏକ କଟା ଆଙ୍ଗୁଠି ବାହାରିଥିଲା । ଯାହାକୁ ଦେଖି ସେ ଆଶ୍ଚର୍ଯ୍ୟ ହେବା ସହ ଡରି ଯାଇଥିଲେ ।
ସୂଚନା ଅନୁସାରେ , ମହିଳା ଜଣଙ୍କ ଅନଲାଇନ୍ ରୁ ଏକ କୋନ ଆଇସକ୍ରିମ ଅର୍ଡର କରିଥିଲେ । ସେ ପ୍ୟାକେଟ ଖୋଲି କିଛି ଖାଇବା ପରେ ସେଥିରୁ ଏକ କଟା ଆଙ୍ଗୁଠି ବାହାରିଥିଲା ।
ଯାହା ପରେ ମହିଳା ଜଣଙ୍କ ଡରି ଯାଇ ସେହି ଆଙ୍ଗୁଠିଟିକୁ ନେଇ ଥାନାର ଦ୍ବାରସ୍ଥ ହୋଇଥିଲେ । ଏହା ପରେ ପୋଲିସ ଆଙ୍ଗୁଠିର ଯାଞ୍ଚ ପାଇଁ ଆଙ୍ଗୁଠିଟିକୁ ଫରେନ୍ସିକ ଡିପାର୍ଟମେଣ୍ଟକୁ ପଠାଇଛି ।