ଜ୍ୟୋତିଷ ଶାସ୍ତ୍ରରେ ପ୍ରତ୍ୟକ ଗ୍ରହ ଏକ ନିର୍ଦ୍ଦିଷ୍ଟ ସମୟରେ ରାଶି ପରିବର୍ତ୍ତନ କରିଥାଆନ୍ତି। ଏହି କ୍ରମରେ ସକଳ ଶକ୍ତିର ଆଧାର ସୂର୍ଯ୍ୟଦେବ ଅଗଷ୍ଟ ୧୬ ସକାଳ ୭ଟା ୪୦ ମିନିଟ୍ ସମୟରେ କର୍କଟ ରାଶିକୁ ଚଳନ କରିଛନ୍ତି । ଯେଉଁ ରାଶିକୁ ଆଜି ସକାଳ ୯ଟା ୪୦ ମିନିଟ୍ ସମୟରେ ବୁଧ ଚଳନ କରିବେ। ଗୋଟିଏ ରାଶିରେ ୨ ଗ୍ରହଙ୍କ ଅପୂର୍ବ ମିଳନ ବୁଦ୍ଧାଦିତ୍ୟ ରାଜଯୋଗ ସୃଷ୍ଟି କରୁଛି। ଏହି ବୁଦ୍ଧାଦିତ୍ୟ ରାଜଯୋଗ କାରଣକୁ ୫ ରାଶିଙ୍କ ଭାଗ୍ୟ ଆଜିଠାରୁ ବଦଳିବାକୁ ଯାଉଛି । ତେବେ,ଆସନ୍ତୁ ଜାଣିବା ସେହି ଭାଗ୍ୟଶାଳୀ ରାଶି ଗୁଡିକ ବିଷୟରେ।
ମେଷ ରାଶି :
ମେଷ ରାଶି ଜାତକଙ୍କ ପାଇଁ ଜୀବନରେ ସଫଳତାର ଅନେକ ନୂତନ ସୁଯୋଗ ସୃଷ୍ଟି ହେବ । ବନ୍ଧୁଙ୍କ ସହଯୋଗ ମିଳିବା ସହ କାର୍ଯ୍ୟରେ ଦେଖାଦେଉଥିବା ବାଧା ଦୂର ହେବ । କ୍ୟାରିୟର ଏବଂ ଶିକ୍ଷା କ୍ଷେତ୍ରରେ ସଫଳତା ମିଳିବ । ଧାର୍ମିକ କାର୍ଯ୍ୟରେ ରୁଚି ବୃଦ୍ଧି ହେବା ସହ ବିଦେଶ ଯାତ୍ରାର ସମ୍ଭାବନା ରହିଛି ।
ମିଥୁନ ରାଶି :
ବୈବାହିକ ଜୀବନ ସୁଖମୟ ହେବ । ଆର୍ଥିକ ସ୍ଥିତିରେ ସୁଧାର ଆସିବା ସହ ଘରର ସୁଖ ଶାନ୍ତି ବୃଦ୍ଧି ପାଇବ । ଭୂମି ଏବଂ ବାହନ ପ୍ରାପ୍ତିର ଯୋଗ ରହିଛି ।
ସିଂହ ରାଶି :
ଶିକ୍ଷାଗତ କ୍ଷେତ୍ରରେ ସଫଳତା ମିଳିବ । ପୂର୍ବରୁ କରିଥିବା ନିବେଶରୁ ଧନ ଲାଭ ହେବାର ସମ୍ଭାବନା ରହିଛି । ଭୌତିକ ସୁଖରେ ବୃଦ୍ଧି ହେବା ସହ ଦୀର୍ଘ ଦିନରୁ ଅଟକି ଥିବା କାର୍ଯ୍ୟ ସଫଳ ହେବ । ସମାଜରେ ମାନ-ସମ୍ମାନ ବୃଦ୍ଧି ହେବ ।
କନ୍ୟା ରାଶି :
ଜୀବନରେ କାର୍ଯ୍ୟ କ୍ଷେତ୍ରରେ ଦେଖାଦେଉଥିବା ବାଧା ଦୂର ହେବ । କର୍ମଜୀବି ବ୍ୟକ୍ତିଙ୍କ ପାଇଁ ଏହା ଅତ୍ୟନ୍ତ ଶୁଭ ସମୟ ରହିବ । ଧନ ଲାଭ ହେବାର ସମ୍ଭାବନା ରହିଛି । ପିଲାଙ୍କ ଠାରୁ କିଛି ଶୁଭ ଖବର ଶୁଣିବାକୁ ମିଳିପାରେ । ବୁଦ୍ଧାଦିତ୍ୟ ରାଜଯୋଗ ସମୟ କନ୍ୟା ରାଶିଙ୍କ ପାଇଁ ଆନନ୍ଦରେ ବିତିବ ।
ଧନୁ ରାଶି :
ବୁଦ୍ଧାଦିତ୍ୟ ରାଜଯୋଗ ଧନୁ ରାଶି ଜାତକଙ୍କ ପ୍ରେମ ସମ୍ପର୍କକୁ ପ୍ରଭାବିତ କରିବ । ପ୍ରେମ ସମ୍ପର୍କରେ ମଧୁରତା ଆସିବା ସହ ବୃତ୍ତିଗତ ଜୀବନରେ ପ୍ରଗତିର ସମ୍ଭାବନା ଦେଖା ଦେଇଛି । ହଠାତ ଧନ ଲାଭର ଯୋଗ ନିର୍ମିତ ହେଉଛି । ଏହା ସହ ବ୍ୟବସାୟିକ ଲାଭ ପାଇଁ ଶୁଭ ସମୟ ଅଟେ।