ଜ୍ୟୋତିଷ ଶାସ୍ତ୍ର ଅନୁଯାୟୀ, ବର୍ତ୍ତମାନ ମୀନ ରାଶିରେ ଚଳନ କରୁଥିବା ଶୁକ୍ର ଚଳିତ ମାସ ଅର୍ଥାତ ଏପ୍ରିଲ୍ ୨୫ ତାରିଖରେ ମେଷ ରାଶିରେ ପ୍ରବେଶ କରିବାକୁ ଯାଉଛନ୍ତି । ମେଷ ରାଶିରେ ଶୁକ୍ରଙ୍କ ଚଳନ ହେତୁ ଅନେକ ରାଶିର ଲୋକଙ୍କୁ ଅସୁବିଧାର ସମ୍ମୁଖୀନ ହେବାକୁ ପଡିପାରେ ।
ତେବେ ସେମାନଙ୍କର ସ୍ୱାସ୍ଥ୍ୟ ମଧ୍ୟ ଖରାପ ହେବାର ସମ୍ଭାବନା ରହିଛି । ଏହା ବ୍ୟତୀତ ଆର୍ଥିକ କ୍ଷତିର ମଧ୍ୟ ସମ୍ଭାବନା ରହିଛି । ଆସନ୍ତୁ ଜାଣିବା, ଶୁକ୍ରଙ୍କ ରାଶି ପରିବର୍ତ୍ତନ ଦ୍ୱାରା କେଉଁ ରାଶି ଉପରେ ନକାରାତ୍ମକ ପ୍ରଭାବ ପଡିବ…
କନ୍ୟା ରାଶି :- ଶୁକ୍ରଙ୍କ ରାଶି ପରିବର୍ତ୍ତନ କନ୍ୟା ରାଶିର ଲୋକଙ୍କ ଜୀବନରେ ସମସ୍ୟା ଆଣିପାରେ । ଯଦି ଆପଣ ଖାଦ୍ୟପେୟର ଯତ୍ନ ନେଉନାହାଁନ୍ତି, ଆପଣଙ୍କ ସ୍ୱାସ୍ଥ୍ୟ ଅସୁସ୍ଥ ହୋଇପାରେ । ଏହା ବ୍ୟତୀତ, ଯଦି ଆପଣ ଆପଣଙ୍କର ଖର୍ଚ୍ଚକୁ ନିୟନ୍ତ୍ରଣ ନକରନ୍ତି, ତେବେ ଆପଣଙ୍କୁ ଆର୍ଥିକ ସଙ୍କଟର ମଧ୍ୟ ସାମ୍ନା କରିବାକୁ ପଡିପାରେ ।
ଆହୁରି ପଢନ୍ତୁ :- ଏହି ୪ ରାଶିଙ୍କ ପାଇଁ ସତର୍କ ଘଣ୍ଟି, ବୁଧଙ୍କ ଚଳନ ଯୋଗୁଁ ବିବାଦ ସହ ଧନହାନୀର ରହିଛି ଯୋଗ!
ବିଛା ରାଶି :- ଶୁକ୍ରଙ୍କ ରାଶି ପରିବର୍ତ୍ତନ ହେତୁ ବିଛା ରାଶିର ଲୋକଙ୍କ ଜୀବନରେ ସମସ୍ୟା ବଢ଼ିପାରେ । ଏହି ସମୟରେ କୌଣସି ଜିନିଷ ଉପରେ ଅଜଥା ଚାପ ପକାନ୍ତୁ ନାହିଁ, ନଚେତ୍ ଆପଣଙ୍କର ମାନସିକ ସ୍ୱାସ୍ଥ୍ୟ ମଧ୍ୟ ଖରାପ ହୋଇପାରେ । ଏହା ବ୍ୟତୀତ, ଅଫିସରେ ନିଜ ସହକର୍ମୀଙ୍କ ସହିତ ଝଗଡ଼ା ମଧ୍ୟ ହୋଇପାରେ । ଆପଣଙ୍କ କ୍ରୋଧକୁ ନିୟନ୍ତ୍ରଣ କରନ୍ତୁ, ନଚେତ୍ ଭବିଷ୍ୟତରେ ଆପଣଙ୍କୁ ଟଙ୍କା ଅଭାବର ସାମ୍ନା କରିବାକୁ ପଡିପାରେ ।
ମକର ରାଶି :- ମକର ରାଶିର ବ୍ୟକ୍ତିମାନେ ସେମାନଙ୍କ ସ୍ୱାସ୍ଥ୍ୟ ପ୍ରତି ଧ୍ୟାନ ଦେବା ଉଚିତ୍ । ନଚେତ୍ ଆପଣ ମଧ୍ୟ ଅସୁସ୍ଥ ହୋଇପାରନ୍ତି । ଯଦି ଆପଣ ଚିନ୍ତା କରିବା ବନ୍ଦ ନକରନ୍ତି, ତେବେ ଡାକ୍ତରଖାନାରେ ଭର୍ତ୍ତି ହେବାର ସମ୍ଭାବନା ରହିଛି । ଏହା ବ୍ୟତୀତ ଆପଣଙ୍କୁ ଅର୍ଥ ଅଭାବର ମଧ୍ୟ ସାମ୍ନା କରିବାକୁ ପଡିପାରେ ।