ତେଲେଙ୍ଗାନାରେ ପ୍ରଧାନମନ୍ତ୍ରୀ ମୋଦୀଙ୍କ ଧ୍ୟାନ ଆକର୍ଷଣ କରିବା ପାଇଁ ମହିଳା ଚଢିଲେ ଟାୱାର ଉପରେ । ପ୍ରଧାନମନ୍ତ୍ରୀ ବି ନିଜ ଭାଷଣ ରୋକି ମହିଳାଙ୍କୁ ତଳକୁ ଓହ୍ଲାଇବା ପାଇଁ କଲେ ଅନୁରୋଧ । ଯାହାର ଭିଡିଓ ଏବେ ଖୁବ୍ ଜୋର୍ ରେ ଭାଇରାଲ୍ ହେବାରେ ଲାଗିଛି ।
ସୂଚନା ଅନୁସାରେ ୩ ନଭେମ୍ବର ନିର୍ବାଚନ ତାରିଖ ଘୋଷଣା ହେବା ପରେ ପ୍ରଧାନମନ୍ତ୍ରୀଙ୍କର ଚାଲିଛି ପ୍ରଚାର ପ୍ରସାର । ତେଲେଙ୍ଗାନାର ଗୋଟିଏ ସହରରୁ ଅନ୍ୟ ସହରକୁ କରୁଛନ୍ତି ଯାତ୍ରା । ସାଧାରଣ ନିର୍ବାଚନକୁ ଆଖି ଆଗରେ ରଖି ଚାଲିଛି ଆୟୋଜନ ।
ଏଥି ମଧ୍ୟରେ ଗତ କାଲି ନରେନ୍ଦ୍ର ମୋଦୀ ତେଲେଙ୍ଗାନାର ସିକନ୍ଦରାବାଦ ଠାରେ ଆୟୋଜିତ ପାର୍ଟି ମିଟିଂରେ ଯୋଗ ଦେଇଥିଲେ । ସେଠାରେ ସେ ଭାଷଣ ଦେବା ସମୟରେ ତାଙ୍କର ଦୃଷ୍ଟି ଆକର୍ଷଣ କରିବା ପାଇଁ ଜଣେ ମହିଳା ଲାଇଟ୍ ସଜ୍ଜିତ ଏକ ଉଚ୍ଚ ଟାୱାର ଉପରେ ଚଢ଼ି ଯାଇଥିଲେ ।
ଦେଖନ୍ତୁ ଭିଡିଓ :-
https://x.com/ANI/status/1723335266969006555?s=20
ଏହି ଦୃଶ୍ୟ ଉପରେ ପ୍ରଧାନମନ୍ତ୍ରୀଙ୍କ ଆଖି ପଡିବା ମାତ୍ରେ ସେ ମହିଳା ଜଣଙ୍କୁ ତଳକୁ ଓହ୍ଲାଇ ଆସିବା ପାଇଁ ଅନୁରୋଧ କରିଥିଲେ । ପ୍ରଧାନମନ୍ତ୍ରୀ କହିଥିଲେ, ‘ସେ ଲାଇଟ୍ ଖୁଣ୍ଟରେ ଚଢିବା ବିପଦ ଜନକ ହୋଇପାରେ । ଏଥିରେ କାହାର କଣ ଲାଭ ହେବ । ମୁଁ ତୁମ ମାନଙ୍କ ପାଖକୁ ତୁମ ମାନଙ୍କ କଥା ଶୁଣିବାକୁ ଆସିଛି ।’ ପରେ ମହିଳା ଜଣକ ତଳକୁ ଓହ୍ଲାଇଥିଲେ ।