ପୁଣି ଭାଇରାଲ ହେଲା ଛାତିଥରାଇ ଦେବା ଭଳି ଦୃଶ୍ୟ । ଫୁଟ୍ ପାଥ ଉପରେ ଚାଲୁଥିବା ପାଞ୍ଚ ଝିଅଙ୍କ ଉପରେ ଚଢ଼ିଲା କାର୍ । ଜଣେ ମୃତ ଓ ଚାରି ଗୁରୁତର । ବିନା ଦୋଷରେ ଚାଲି ଗଲା ଗୋଟିଏ ଜୀବନ । ଏହି ଭୟଙ୍କର ଦୃଶ୍ୟର ଭିଡିଓ ଆପଣ ବି ଦେଖିଲେ ଆପଣ ବି ଆଶ୍ଚର୍ଯ୍ୟ ହୋଇଯିବେ ।
ଘଟଣା ଟି କର୍ଣ୍ଣାଟକର ମେଙ୍ଗାଲୁର ସହରର ବୋଲି ଜଣା ପଡିଛି । ସୂଚନା ଅନୁସାରେ ଘଟଣାଟି ବୁଧବାର ସନ୍ଧ୍ୟା ୪ଟା ସମୟର ଲେଡୀହିଲ୍ ପାଖର । ମେଙ୍ଗାଲୁର ସିଟି କର୍ପୋରେସନ ସ୍ଵିମିଂ ପୂଲ୍ ପାଖ ଦେଇ ଯାଇଥିବା ଫୁଟ ପାଥରେ ଚାଲି ଚାଲି ଯାଇଥିଲେ ୫ ଜଣ ଝିଅ ।
ସେହି ସମୟରେ ଏକ ଅଜଣା କାର ଆସି ୫ ଜଣ ଝିଅଙ୍କୁ ଏକା ସାଙ୍ଗରେ ଧକ୍କା ଦେଇଥିଲା । ଗାଡ଼ିଟି ଧକ୍କା ଦେବା ପରେ ରାସ୍ତା ସାରା ଛିଟକି ପଡ଼ିଥିଲେ ଝିଅ ମାନେ । ୫ ଜଣ ଝିଅଙ୍କ ମଧ୍ୟରୁ ତିନି ଜଣ ନାବାଳିକା ବୋଲି ଜଣା ପଡିଛି । କାର ଟି ଧକ୍କା ଦେବା ପରେ ଦ୍ରୁତ ଗତିରେ ସେଠାରୁ ଚାଲି ଯାଇଥିଲା ।
ଦେଖନ୍ତୁ ଭିଡିଓ :-
ଧୀରେ ଧୀରେ ସ୍ଥାନୀୟ ଲୋକଙ୍କର ଭିଡ଼ ଜମି ଯାଇଥିଲା ଘଟଣା ସ୍ଥଳରେ । ଝିଅ ମାନଙ୍କୁ ଉଦ୍ଧାର କରି ସ୍ଥାନୀୟ ଲୋକେ ଆମ୍ବୁଲାନ୍ସ ସାହାଯ୍ୟରେ ଡାକ୍ତର ଖାନାରେ ଭର୍ତ୍ତି କରି ଥିଲେ ।
ଡାକ୍ତର ୨୩ ବର୍ଷୀୟ ରୁପାଶ୍ରି ଙ୍କୁ ମୃତ ଘୋଷଣା କରିଥିବା ବେଳେ ଅନ୍ୟ ମାନେ ଗୁରୁତର ଭାବେ ଆହତ ବୋଲି ସୂଚନା ଦେଇଛନ୍ତି । ଏବେ ପୋଲିସ ତଦନ୍ତରୁ ଜଣା ପଡିଛି ଯେ କାର ଚାଳକ ଜଣକ ହେଉଛନ୍ତି କମଲେଶ ବଲଦେବ ।