ପଞ୍ଜାବର ଜଲନ୍ଦରଠାରେ ଏକ ଆଶ୍ଚର୍ଯ୍ୟଜନକ ମାମଲା ସାମ୍ନାକୁ ଆସିଛି। ଏଠାରେ ଜଣେ ଫ୍ୟାକ୍ଟ୍ରି କର୍ମଚାରୀ ଦାବି କରିଛନ୍ତି ଯେ ରବିବାର ରାତିରେ ଚାରି ଜଣ ଝିଅ ତାଙ୍କୁ ଅପହରଣ କରିଛନ୍ତି। ଏହା ପରେ ତାଙ୍କୁ ଏକ ଅଜ୍ଞାତ ସ୍ଥାନକୁ ନେଇ ଗଣ-ବଳାତ୍କାର କରିଥିଲେ ଚାରି ଜଣ ଝିଅ। ଯୁବକ ଜଣକ ଅଭିଯୋଗ କରିଛନ୍ତି ଯେ ଝିଅମାନେ ରାତିସାରା ତାଙ୍କ ସହ ଶାରୀରିକ ସମ୍ପର୍କ ସ୍ଥାପନ କରିଥିଲେ। ଏହା ପରେ ସେମାନେ ତାଙ୍କୁ ସକାଳେ ସମାନ ସ୍ଥାନରେ ଛାଡି ପଳାଇ ଯାଇଥିଲେ। ଯୁବକ ଜଣକ ଗଣମାଧ୍ୟମ ଆଗରେ ନିଜର ଏହି ଘଟଣା ବିଷୟରେ ବର୍ଣ୍ଣନା କରିଛନ୍ତି। ତେବେ ଲଜ୍ଜା ହେତୁ ସେ ଏପର୍ଯ୍ୟନ୍ତ ପୋଲିସ ନିକଟରେ ଅଭିଯୋଗ କରିନାହାଁନ୍ତି। ଏହା ସତ୍ତ୍ୱେ ପୋଲିସ ଘଟଣାର ତଦନ୍ତ ଆରମ୍ଭ କରିଛି।
ସୂଚନାନୁସାରେ, ରବିବାର ରାତିରେ ଚାନ୍ଦବାଲିର ଚମଡ଼ା କମ୍ପ୍ଲେକ୍ସ ରୋଡରେ କାରଖାନାରେ କାମ କରିବା ପରେ ଘରକୁ ଫେରୁଥିବା ଜଣେ ଯୁବକଙ୍କୁ କାରରେ ଥିବା ଚାରି ଝିଅ ଅପହରଣ କରି ନେଇଥିଲେ। ସେମାନେ ତାଙ୍କୁ ଏକ ଅଜ୍ଞାତ ସ୍ଥାନକୁ ନେଇ ଯାଇଥିଲେ। ଅଭିଯୋଗ ହୋଇଛି ଯେ ଝିଅମାନେ ଯୁବକ ଜଣଙ୍କ ସହ ଶାରୀରିକ ସମ୍ପର୍କ ସ୍ଥାପନ କରିଥିଲେ। କାରଖାନାର କର୍ମଚାରୀ କହିଛନ୍ତି ଯେ ରାତିରେ କାରଖାନାରେ ଡ୍ୟୁଟି ଶେଷ କରିବା ପରେ ସେ ଘରକୁ ଯାଉଥିଲେ।
ଏହି ସମୟରେ ଏକ ବଡ ଗାଡି ଆସି ରାସ୍ତାରେ ତାଙ୍କ ନିକଟରେ ଅଟକି ଯାଇଥିଲା। କାରରେ ଚାରି ଜଣ ଝିଅ ତାଙ୍କ ଠିକଣା ପଚାରି ଥିଲେ। ସେ ଠିକଣା କହୁଥିବା ସମୟରେ ସେମାନେ ତାଙ୍କୁ କିଛି ସୁଂଘାଇ ଦେଇ ଚେତାଶୂନ୍ୟ କରି କାର୍ରେ ନେଇ ଅନ୍ୟ ସ୍ଥାନକୁ ନେଇ ଯାଇଥିଲେ। ଯୁବକ ଜଣକ କହିଛନ୍ତି ଯେ ଚାରି ଝିଅଙ୍କ ବୟସ 22 ରୁ 23 ବର୍ଷ ମଧ୍ୟରେ ଥିଲା। ଯେତେବେଳେ ସେ ହୋସ୍ ରେ ଆସିଲେ, ତାଙ୍କୁ ଦଉଡ଼ିରେ ବାନ୍ଧି ଦିଆଯାଇଥିଲା।
ଯୁବକ ଜଣକ କହିଛନ୍ତି ଯେ ସମସ୍ତ ଝିଅ ତାଙ୍କ ସହିତ ଅନେକ ଘଣ୍ଟା ଧରି ମନଇଚ୍ଛା ରହିଥିଲେ। ଝିଅମାନେ ତାଙ୍କୁ 11 ରୁ 12 ଘଣ୍ଟା ପର୍ଯ୍ୟନ୍ତ ହଇରାଣ କରିଥିଲେ। ପରେ ସେ ତାଙ୍କୁ ସକାଳ ପ୍ରାୟ 3 ଟା ସମୟରେ ସେହି ରାସ୍ତାରେ ଛାଡି ଦେଇଥିଲେ। ସେ କହିଛନ୍ତି ଯେ ଲଜ୍ଜାଜନକ କାରଣରୁ ସେ ଅଭିଯୋଗ କରିବାକୁ ପୋଲିସକୁ ଯାଇନାହାଁନ୍ତି।