ଯଦି ଆପଣ ବି ଅନେକ ସମୟରେ ବାହାରୁ ଖାଦ୍ୟ ମଗଉଛନ୍ତି ତେବେ ଏହି ନିଉଜ୍ ଟି ଆପଣଙ୍କ ପାଇଁ । ସତର୍କ ରୁହନ୍ତୁ ସୁରକ୍ଷିତ ରୁହନ୍ତୁ । କୌଣସି ବିପଦ କେବେ ପୂର୍ବ ସୂଚନା ଦେଇ ଆଦି ନ ଥାଏ । ତେବେ ଆମକୁ ପ୍ରତି ମୁହୂର୍ତ୍ତରେ ସତର୍କ ରହିବାକୁ ପଡିଥାଏ । ବିଶେଷ କରି ଅଜଣା ବ୍ୟକ୍ତି ମାନଙ୍କ ପାଖରେ ।
ବେଙ୍ଗାଲୁରୁ ସହରରେ ଏମିତି କିଛି କାଣ୍ଡ ଘଟାଇଛି ଡେଲିଭରି ବୟ । ଏପରି ଗୋଟିଏ ଗୋଟିଏ ଘଟଣା ଯାହାକି ମଣିଷର ମଣିଷ ଉପରୁ ବିଶ୍ବାସ ଉଠାଇବାକୁ ବାଧ୍ୟ କରୁଛି । ସେଠାରେ ଜଣେ ୩୦ ବର୍ଷୀୟ ମହିଳା ଯେ କି ଜଣେ ସଫ୍ଟୱେୟାର ଇଞ୍ଜିନିୟର ଅଟନ୍ତି ଅନଲାଇନ୍ ରୁ ନିଜ ପାଇଁ କିଛି ଖାଦ୍ୟ ଅର୍ଡର୍ କରିଥିଲେ । ସନ୍ଧ୍ୟା ପ୍ରାୟ ୬.୩୦ ସମୟରେ ଡେଲିଭରି ବୟ ଖାଦ୍ୟ ନେଇ ତାଙ୍କ ନିକଟରେ ପହଞ୍ଚାଇଥିଲେ । ଡେଲିଭରି ବୟ ଜଣଙ୍କ କଲିଙ୍ଗ ବେଲ୍ ବଜାଇବାରୁ ମହିଳା ଜଣଙ୍କ ଡୋର୍ ଖୋଲିଥିଲେ ।
ମାନବିକତା ଦୃଷ୍ଟିରୁ ତାଙ୍କୁ ପାଣି ପିଇବାକୁ ଘରକୁ ଡାକିଥିଲେ । ଏବଂ ସେ ଘରକୁ ମଧ୍ୟ ଯାଇଥିଲେ । ପାଣି ପିଇବା ପରେ ସେ ମହିଳା ଜଣଙ୍କୁ ତାଙ୍କ ବାଥରୁମ୍ ୟୁଜ୍ କରିବାକୁ ପଚାରିଥିଲେ । ଏହା ପରେ ମହିଳା ଜଣକ ଯୁବକ ଜଣଙ୍କ ଉପରେ ବିଶ୍ୱାସ କରି ତାଙ୍କୁ ବାଥରୁମ ଦେଖାଇଥିଲେ । ଡେଲିଭରି ବୟ ଜଣଙ୍କ ବାଥରୁମ୍ ରୁ ଆସିବା ପରେ ଘରେ କେହି ନ ଥିବା ଦେଖି ମହିଳାଙ୍କୁ ଅସଦାଚରଣ କରିଥିଲେ ।
ଆହୁରି ପଢନ୍ତୁ :- ଦେଖନ୍ତୁ ଭିଡିଓ: ଅଞ୍ଜନର ଶେଷ ରାତି କିଛି ଏମିତି ଥିଲା, ପୋଲିସ ଆଗରେ ସବୁ ସତ କହିଦେଲା
ଏହା ପରେ ମହିଳା ଜଣକ ଏ ନେଇ ଥାନାରେ ଅଭିଯୋଗ କରିବା ପରେ ପୋଲିସ୍ ସନ୍ଧାନରୁ ଯୁବକ ଜଣଙ୍କ ଚିହ୍ନା ପଡିଛନ୍ତି ହେଲେ ପୋଲିସ୍ ଏ ପର୍ଯ୍ୟନ୍ତ ଯୁବକ ଜଣଙ୍କୁ ଗିରଫ କରି ପାରି ନାହିଁ । ସୂଚନା ଅନୁସାରେ ଖୁବ୍ ଶୀଘ୍ର ପୋଲିସ୍ ଅଭିଯୁକ୍ତଙ୍କୁ ଗିରଫ କରିବ ।