ପୁଣି ସାମ୍ନାକୁ ଆସିଲା ଆଉ ଏକ ନିନ୍ଦନୀୟ ଘଟଣା । ଯୌତୁକ ପାଇଁ ଶାଶୁଘର ଲୋକେ ଓ ସ୍ଵାମୀ ମିଶି ମାରି ଦେଲେ ବୋହୂକୁ । କେବଳ ସେତିକି ନୁହେଁ ବରଂ କାହାକୁ କିଛି ନ କହି ରାତିରେ ଲୁଚି ବୋହୂକୁ ପୋଡ଼ି ଦେଇଛନ୍ତି ମଧ୍ୟ ।
ଏପରି ଏକ ଘଟଣା ଦେଖିବାକୁ ମିଳିଛି ବଲାଙ୍ଗିର ଜିଲ୍ଲା ପୁରୁଣା ଗାଁରେ । ପୁରୁଣା ଗାଁରେ ସୁଦା ବଣିଆଙ୍କର ନମିତା ବଣିଆଙ୍କ ସହିତ ବୈଦିକ ରୀତି ନୀତିରେ ବାହାଘର ହୋଇଥିଲା ।
ବାହାଘର ପର ଠାରୁ ଶାଶୁ ଘର ଲୋକଙ୍କ ଡିମାଣ୍ଡ ବଢ଼ିବାରେ ଲାଗିଥିଲା । ଯୌତୁକ ପାଇଁ ଶାଶୁଘର ଲୋକେ ଅନେକ ସମୟରେ ନମିତାଙ୍କୁ ନିର୍ଯ୍ୟାତନା ମଧ୍ୟ ଦେଉଥିଲେ ।
ହେଲେ ଦିନେ ଏପରି କିଛି ହୋଇଯିବ ବୋଲି କେହି କେବେ ଭାବି ନ ଥିଲେ । ଘର ଲୋକେ ହୁଏ ତ ଆଉ ଟିକେ ଡେରି କରିଥିଲେ ଝିଅର ଜଳନ୍ତା ଜୁଇ ବି ଦେଖିପାରି ନ ଥାନ୍ତେ ।