ସମସ୍ତ ପ୍ରକାରର ଫଳ ଆମ ଶରୀର ପାଇଁ ଆବଶ୍ୟକ। ସବୁ ଫଳର କିଛି ନା କିଛି ମହତ୍ବ ରହିଛି। ଆଜି ଆମେ ଏପରି ଏକ ଫଳ ବିଷୟରେ ପଢିବା, ଯାହାକୁ ଖାଇବା ଦ୍ଵାରା ଆମ ଶରୀରର ଅନେକ ରୋଗ ଦୂର ହୋଇଥାଏ।
ସୀତାଫଳ ଏକ ପ୍ରକୃତିର ବରଦାନ। କାରଣ ଏହି ଫଳ ପ୍ରୋଟିନ୍, ଭିଟାମିନ୍ ଓ ଫାଇବର୍ ରେ ଭରପୁର ରହିଛି । ଏହା କ୍ୟାନସର ଭଳି ମାରାତ୍ମକ ରୋଗ ଠାରୁ ଆମକୁ ରକ୍ଷା କରିଥାଏ। ସବୁଠାରୁ ବଡ଼ କଥା ଏହା ମାନସିକ ସ୍ଥିତିକୁ ସନ୍ତୁଳିତ କରି ମନକୁ ଶାନ୍ତ କରିବାରେ ସହାୟକ।
ଯେଉଁ ମାନଙ୍କ ହଜମ ପ୍ରକ୍ରିୟାରେ ସମସ୍ୟା ରହିଛି ସେମାନଙ୍କ ପାଇଁ ବହୁ ମାତ୍ରାରେ ଲାଭକାରୀ ହୋଇଥାଏ ଏହି ଫଳ। ଏଥିରେ ଏପରି ଗୁଣ ରହିଛି ଯାହା ହୃଦଘାତ ଭଳି ସମସ୍ୟାକୁ ବି ଦୂର କରିଦେଇଥାଏ ।
ସୀତାଫଳ ସେବନ ଦ୍ଵାରା ଆଖିର ସମସ୍ୟା ବି ଦୂର କରିଥାଏ । ଦୃଷ୍ଟିଶକ୍ତିକୁ ବୃଦ୍ଧି କରିଥାଏ । ଏହା ଆପଣଙ୍କ ଚର୍ମର ସୁରକ୍ଷା କରିବା ସହ ଚର୍ମର ବିଭିନ୍ନ ସମସ୍ୟାକୁ ଦୂର କରିଥାଏ । ଶରୀରର ଥକାପଣକୁ ମଧ୍ୟ ଦୂର କରିଥାଏ ସୀତାଫଳ ।