ଆପଣ ଜାଣିଥିବେ ଯେ ହିନ୍ଦୁ ଧର୍ମରେ ସମାନ ଗୋତ୍ର ମଧ୍ୟରେ ବିବାହ ନିଷେଧ, ହେଲେ ଏଭଳି କାହିଁକି ହୁଏ ? ତେବେ ଆସନ୍ତୁ ଜାଣନ୍ତୁ କାହିଁକି ସମାନ ଗୋତ୍ରରେ ବିବାହ କରାଯାଏନାହିଁ । ହିନ୍ଦୁ ଧର୍ମ ଶାସ୍ତ୍ରରେ ଗୋତ୍ରର ବହୁତ ବଡ଼ ମହତ୍ତ୍ବ ରହିଛି । ଏହା ସହ ପୂଜାପାଠ ଓ ବିବାହ ସମୟରେ ଗୋତ୍ରର ସୂଚନା ଦେବା ଖୁବ୍ ଜରୁରୀ ବୋଲି ମନେକରାଯାଏ ।
ହିନ୍ଦୁ ଧର୍ମ ଅନୁସାରେ ଯଦି କେହି ବିବାହ କରୁଛନ୍ତି, ତେବେ ଗୋତ୍ର ନଜାଣି ବିବାହ କରିବା ଠିକ୍ ନୁହେଁ । ତେବେ ଆସନ୍ତୁ ଜାଣିବା କାହିଁକି ଆମ ସମାଜରେ ଗୋଟିଏ ଗୋତ୍ରାରେ ବିବାହ କରିବାକୁ ଦିଆଯାଏ ନାହିଁ ଏବଂ ଏହା ପଛର କାରଣ କଣ…
ଗୋଟିଏ ଗୋତ୍ରର ଲୋକ ଭାଇ-ଭଉଣୀ ବୋଲି ମନେକରାଯାଏ, କାରଣ ଦୁହିଁଙ୍କ ପୂର୍ବଜ ସମାନ ଥିଲେ ତେଣୁ ସେମାନେ ସ୍ବାମୀ-ସ୍ତ୍ରୀ ହୋଇପାରିବେ ନାହିଁ ବୋଲି ବିଶ୍ୱାସ କରାଯାଏ । କିନ୍ତୁ ଶାସ୍ତ୍ର ଅନୁସାରେ ସାତ ପିଢ଼ି ପରେ ଗୋତ୍ର ବଦଳି ଯାଇ ଥାଏ ଏବଂ ସମାନ ଗୋତ୍ରରେ ବିବାହ କରାଯାଇପାରେ ହେଲେ କିନ୍ତୁ ଏହାକୁ ନେଇ ମଧ୍ୟ ବହୁତ ମତଭେଦ ରହିଛି ।
ଆହୁରି ପଢନ୍ତୁ :- କଳିଯୁଗରେ ଏହିସବୁ ପାପ କଲେ ସିଧା ନର୍କକୁ ଯିବେ, ଜାଣନ୍ତୁ କ’ଣ କହୁଛି ଗରୁଡ଼ ପୁରାଣ
ସେଭଳି ଗୋଟିଏ ଗୋତ୍ରରେ ବିବାହ ନକରିବାର ଆଉ ଏକ କାରଣ ରହିଛି । ତାହା ହେଲା ସନ୍ତାନ ଜନ୍ମ ହେବା ବେଳେ ବିଭିନ୍ନ ପ୍ରକାର ଶାରୀରିକ ଓ ମାନସିକ ବିକୃତି ଆସିଥାଏ । ତେଣୁ ଗୋଟିଏ ଗୋତ୍ରରେ ବିବାହ ସମ୍ଭବ ନୁହେଁ ବୋଲି ବିଶ୍ୱାସ କରାଯାଏ ।
ହିନ୍ଦୁ ଧର୍ମରେ ଯେତେବେଳେ ପୁଅ-ଝିଅଙ୍କର ବିବାହ କରାଯାଏ ତେବେ ଜଣେ ନୁହେଁ ବଂର ୩ଟି ଗୋତ୍ରକୁ ଛାଡ଼ିକି ବିବାହ କରାଯାଏ । ମା-ବାପା ଓ ଆଈର ଗୋତ୍ରକୁ ଛାଡ଼ିବା ପରେ ଯେଉଁ ଗୋତ୍ର ମିଳେ ସେଥିରେ ବିବାହ କରାଯାଇଥାଏ । ଏହି ୩ଟି ଗୋତ୍ରରେ ବିବାହ କରିବା ଠିକ୍ ନୁହେଁ ।
ସେଭଳି ମାନ୍ୟତା ରହିଛି ଯେ, କୌଣସି ନିକଟତମ ସମ୍ପର୍କୀୟଙ୍କୁ ବିବାହ କରିବା ଫଳରେ ପିଲା ଭିତରେ ଯେଉଁ ଜିନ୍ ହୁଏ ସେଥିରେ କିଛି ଦୋଷ ରହିଯାଏ । ଯାହାଫଳରେ ପିଲାମାନଙ୍କର ବିକାଶ ଠିକ୍ ଭାବରେ ହୋଇପାରିନଥାଏ ।
ବୈଜ୍ଞାନିକମାନଙ୍କ ବିଶ୍ୱାସ ଅନୁଯାୟୀ, ଜେନେଟିକ୍ ସୁସଙ୍ଗତତା ଏବଂ ହାଇବ୍ରିଡ୍ ଡିଏନ୍ଏ ହେତୁ ଗୋତ୍ର ସମାନ ସମ୍ପର୍କୀୟଙ୍କ ମଧ୍ୟରେ ବିବାହ ହେତୁ ପିଲାମାନଙ୍କଠାରେ ଅନେକ ପ୍ରକାରର ସମସ୍ୟା ଉପୁଜେ । ସମାନ ଦମ୍ପତି ଙ୍କ ସନ୍ତାନଙ୍କ ମଧ୍ୟରେ ସେହି ବିଚାରଧାରା ଦେଖିବାକୁ ମିଳିଥାଏ । କୌଣସି ନୂଆ ଚିନ୍ତାଧାରା ପ୍ରକୃତିର ସନ୍ତାନ ମଧ୍ୟରେ ଦେଖିବାକୁ ମିଳିନଥାଏ ଏବଂ ଏହା ସହ ସମାନ ଗୋତ୍ରରେ ବିବାହ ପରେ, ସେହି ଗୋତ୍ରର ତ୍ରୁଟି, ରୋଗ ଏବଂ ଶାରୀରିକ ସମସ୍ୟା ପରବର୍ତ୍ତୀ ପିଢ଼ିକୁ ସ୍ଥାନାନ୍ତରିତ ହୁଏ ।