ହିନ୍ଦୁ ପରମ୍ପରାରେ ଅନୁଯାୟୀ ନୂତନ ବିବାହିତ ହିନ୍ଦୁ ଦମ୍ପତିମାନଙ୍କୁ ସାଧାରଣତ ସେମାନଙ୍କର ବିବାହର ପ୍ରଥମ ରାତିରେ କେଶର ଏବଂ ବାଦାମ ମିଶ୍ରିତ କ୍ଷୀର କିମ୍ବା ହଳଦୀ ମିଶା କ୍ଷୀର ଦିଆଯାଏ । କିନ୍ତୁ ଆପଣ କେବେ ଚିନ୍ତା କରିଛନ୍ତି କି ପ୍ରକୃତ କାରଣ କଣ ଓ ଭାରତୀୟ ଦମ୍ପତିମାନେ ବିବାହର ପ୍ରଥମ ରାତିରେ କ୍ଷୀର କାହିଁକି ପିଅନ୍ତି ?
ବିବାହ ରାତିରେ କ୍ଷୀର ପିଇବାର କଳ୍ପନା ଏକ ପୁରୁଣା ପ୍ରଥା । ପାରମ୍ପାରିକ ଭାବରେ, ଏକ ଗ୍ଲାସ୍ କେଶର ମିଶ୍ରିତ କ୍ଷୀର ସହିତ ସମ୍ପର୍କ ଆରମ୍ଭ କରିବା ଦାମ୍ପତ୍ୟ ଜୀବନ ବା ବୈବାହିକ ଜୀବନରେ ମଧୁରତା ଆଣିଥାଏ ବୋଲି ବିଶ୍ୱାସ କରାଯାଏ । କିନ୍ତୁ ଏହି ବ୍ୟାପକ ଅଭ୍ୟାସର ଏକ ବୈଜ୍ଞାନିକ ଯଥାର୍ଥତା ମଧ୍ୟ ରହିଛି ତେବେ ଆସନ୍ତୁ ଜାଣିବା…
ଯେମିତିକି ଆପଣ ମାନେ ଜାଣିଥିବେ ଯେ ପ୍ରତ୍ୟେକ ପୁଅ ଓ ଝିଅଙ୍କ ମନରେ ବିବାହର ପ୍ରଥମ ରାତିକୁ ନେଇ ବେଶ୍ ଉତ୍ସାହ ରହିଥାଏ । ବାସର ରାତି ସମସ୍ତଙ୍କ ଜୀବନରେ ବିଶେଷ ମହତ୍ତ୍ବ ରଖିଥାଏ । ଏହି ରାତି ଦୁଇଟି ଜୀବନ ଏବଂ ଦୁଇ ଆତ୍ମାକୁ ଏକତ୍ର କରିବାରେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥାଏ ।
ଆହୁରି ପଢନ୍ତୁ :- ଦେଖନ୍ତୁ ଭିଡ଼ିଓ: ପେଟ କାଟୁଚି ବୋଲି ଡାକ୍ତର ପାଖକୁ ଯାଇଥିଲେ, ବାନ୍ତି କରିବା ବେଳେ ପାଟିରୁ ବାହାରିଲା ଲମ୍ୱା ଜିଆ
କିଛି ରିପୋର୍ଟ ଅନୁଯାୟୀ, ବିବାହ ରାତିରେ ସ୍ୱାମୀ-ସ୍ତ୍ରୀଙ୍କ ଦାମ୍ପତ୍ୟ ଜୀବନର ଆରମ୍ଭ ବୋଲି ବିବେଚନା କରାଯାଏ । ଗୋଟିଏ ପଟେ କ୍ଷୀରକୁ ପବିତ୍ର ବିବେଚନା କରାଯାଏ, ଅନ୍ୟପଟେ ଚିନି, ହଳଦୀ କିମ୍ବା କେଶର ବ୍ୟବହାର ଗୁଣ ବଢ଼ାଇବା ପାଇଁ ଏଥିରେ ମିଶାଯାଏ । ଯୌନ ଇଚ୍ଛାକୁ ବଢ଼ାଇବା ପାଇଁ କେଶର ବ୍ୟବହାର କରାଯାଏ ବୋଲି କୁହାଯାଏ ।
କେବଳ ଏତିକି ନୁହେଁ, କେଶର ଡିପ୍ରେସନକୁ ହ୍ରାସ କରି ମାନସିକ ସ୍ବାସ୍ଥ୍ୟରେ ଉନ୍ନତି ଆଣେ, ଯାହା ବିବାହର ପ୍ରଥମ ଦିନରେ ଏକ ଗୁରୁତ୍ୱପୂର୍ଣ୍ଣ ପ୍ରକ୍ରିୟା । ଅନ୍ୟପଟେ, କ୍ଷୀରରେ ଟ୍ରାଇପଟୋଫାନ୍ ନାମକ ଏକ ଆମିନୋ ଏସିଡ୍ ଥାଏ, ଯାହା ଶରୀରକୁ ପ୍ରୋଟିନ୍ ସନ୍ତୁଳନ ବୃଦ୍ଧି ଏବଂ ବଜାୟ ରଖିବାରେ ସାହାଯ୍ୟ କରିଥାଏ । ଏଭଳି ପରିସ୍ଥିତିରେ ଏହା ଅନୁମାନ କରାଯିବା ଉଚିତ୍ ଯେ ଏହା ପଛରେ ଏକ ବୈଜ୍ଞାନିକ କାରଣ ଅଛି । ସେ ଯାହା ବି ହେଉ, ଆମର ପ୍ରତ୍ୟେକ ପରମ୍ପରାର ଉତ୍ପତ୍ତି ପଛରେ କିଛି ବୈଜ୍ଞାନିକ କାରଣ ଅଛି ।
ସ୍ୱାସ୍ଥ୍ୟ ବିଶେଷଜ୍ଞଙ୍କ ଅନୁଯାୟୀ, ଅନେକ ଲୋକ ବିବାହକୁ ନେଇ ଚାପଗ୍ରସ୍ତ ହୁଅନ୍ତି ଏବଂ ଏହି କାରଣରୁ ବର ଏବଂ କନ୍ୟାର ହଜମ ପ୍ରକ୍ରିୟା ବ୍ୟାହତ ହୁଏ । କ୍ଷୀର ହଜମ ପାଇଁ ଲାଭଦାୟକ । କ୍ଷୀରରେ ଥିବା ଭିଟାମିନ୍-ଡି ସେରୋଟୋନିନ୍ ନାମକ ଏକ ହରମୋନ୍ ଉତ୍ପାଦନ କରିଥାଏ, ଯାହା ଆପଣଙ୍କ ମନୋବଳକୁ ପ୍ରଭାବିତ କରିଥାଏ । ଏହା ବ୍ୟତୀତ ଏହାକୁ ପିଇବା ପରେ ଥକ୍କା ମଧ୍ୟ ଦୂର ହୁଏ । କ୍ଷୀରରେ ଥିବା ପ୍ରୋଟିନ୍ ସାହାଯ୍ୟରେ ଟେଷ୍ଟୋଷ୍ଟେରନ୍ ଏବଂ ଇଷ୍ଟ୍ରୋଜେନ୍ ନାମକ ଦୁଇଟି ଯୌନ ହରମୋନ୍ ମଧ୍ୟ ଉତ୍ପନ୍ନ ହୁଏ ।
ଏଥିରେ ଆଣ୍ଟି-ବ୍ୟାକ୍ଟେରିଆ ଏବଂ ରୋଗ ସହ ଲଢ଼ିବା ଗୁଣ ରହିଛି, ଯେଉଁ କାରଣରୁ ପ୍ରଥମ ଥର ଶାରୀରିକ ସମ୍ପର୍କ ରଖିବା ସମୟରେ ସଂକ୍ରମଣ ହେବାର ଆଶଙ୍କା ରହିନଥାଏ । ସାମଗ୍ରିକ ଭାବରେ, ବିଶେଷଜ୍ଞମାନେ ବିଶ୍ବାସ କରନ୍ତି ଯେ ଏହି ଅଭ୍ୟାସର ଉତ୍ପତ୍ତି ପ୍ରଶ୍ନକୁ ଆମେ ଛାଡ଼ି କେବଳ ଏହାର ବୈଜ୍ଞାନିକ ଦିଗ ଉପରେ ଧ୍ୟାନ ଦେବା ଉଚିତ୍ ।