ଜମିଜମା ବିବାଦକୁ ନେଇ ରକ୍ତମୁଖା ହେଲା ପୁତୁରା ଦାଦା ଖୁଡ଼ିଙ୍କୁ ମାରଣାସ୍ତ୍ର ଧରି ଆକ୍ରମଣ କରି ଲହୁଲୁହାଣ କରିଦେଲା । ହଁ ଆଜ୍ଞା, ସମ୍ପତ୍ତି ଲୋଭରେ ନିଜ ରକ୍ତର ଦାଦା ଖୁଡିଙ୍କୁ ହତ୍ୟା ଉଦ୍ୟମ କରିବା ଭଳି ଘଟଣା କେନ୍ଦ୍ରାପଡ଼ା ସଦର ଥାନା ଅନ୍ତର୍ଗତ ଡେରାବିଶି ବ୍ଲକ୍ ଜଅଁରା ବାରିମୂଳ ଗ୍ରାମରେ ଦେଖିବାକୁ ମିଳିଛି । ଏହି ଆକ୍ରମଣରେ ପୀଡିତଙ୍କର ମୁଣ୍ଡରେ ଗଭୀର ଆଘାତ ଲାଗିଥିବା ଜଣାପଡିଛି ।
ହୋଇଥିବା ଅଭିଯୋଗ ଅନୁଯାଇ ଉକ୍ତ ଗ୍ରାମର ଅରକ୍ଷିତ ମଲ୍ଲିକଙ୍କ ସହିତ ତାଙ୍କ ପୁତୁରା ମଧୁରୀ ମଲ୍ଲିକଙ୍କର ଜମିଜମାକୁ ନେଇ ଦୀର୍ଘଦିନ ଧରି ବିବାଦ ଲାଗି ରହିଥିଲା । ତେବେ, ଘଟଣାଦିନ ଏହି ବିବାଦ ଆହୁରି ତେଜିବାରୁ ପୁତୁରା ମଧୁରୀ ପେଟେ ମଦ ପିଇ ଅରକ୍ଷିତଙ୍କୁ ବାହାରକୁ ଡାକିଥିଲେ । ସେ ବାହାରକୁ ଆସିବା କ୍ଷଣି ଏକ ଠେଙ୍ଗା ସହାୟରେ ନିର୍ଧୁମ ମାଡ଼ ମାରିଥିଲା ।
ଦେଖନ୍ତୁ ଭିଡିଓ :-
ଏତିକିରେ ତାଙ୍କର ମନ ଶାନ୍ତି ହୋଇନଥିଲା ଯେ ମାରଣାସ୍ତ୍ର ଆଣି ପୁତୁରା ଦାଦାକୁ ହତ୍ୟା କରିବାକୁ ଚେଷ୍ଟା କରିଥିଲା । ତେବେ, ଏହି ସମୟରେ ଅରକ୍ଷିତଙ୍କ ସ୍ତ୍ରୀ ସେଠାରେ ପହଞ୍ଚି ଅଟକାଇଥିଲେ ହେଁ ରାକ୍ଷସ ପୁତୁରା ତାଙ୍କୁ ମଧ୍ୟ ଆକ୍ରମଣ କରିଥିଲା । ପଡୋଶୀମାନେ ଏଥିରେ ହସ୍ତକ୍ଷେପ କରି ଉଭୟ ସ୍ୱାମୀ-ସ୍ତ୍ରୀଙ୍କୁ ଡାକ୍ତରଖାନା ପହଞ୍ଚାଇଥିଲେ । ଉଭୟଙ୍କ ଅବସ୍ଥା ଗମ୍ଭୀର ଥିବା ଜଣାପଡିଛି, ଅନ୍ୟପକ୍ଷରେ ଅଭିଯୁକ୍ତ ପୁତୁରା ଫେରାର ଥିବାବେଳେ ପୋଲିସ କଣ ପଦକ୍ଷେପ ନେଉଛି ତାହା ଦେଖିବା ବାକି ରହିଛି ।