ପୁରୀ ରଥଯାତ୍ରାରେ ପହଣ୍ଡି ବେଳେ ରଥରୁ ଖସି ପଡ଼ିଛନ୍ତି ପ୍ରଭୁ ବଳଭଦ୍ର।ବଡ଼ ଠାକୁର ତଳେ ପଡ଼ିଗଲେ ଅନେକ ବିପଦ ମାଡ଼ି ଆସିବ ବୋଲି ନିଳାଦ୍ରୀ ମହୋଦୟଃ ଗ୍ରନ୍ଥରେ ବହୁବର୍ଷ ପୂର୍ବରୁ ଲେଖା ହୋଇ ରହିଛି । ତେବେ ପୁରୀର ଏହି ଘଟରା ସାରା ବିଶ୍ୱବାସୀଙ୍କୁ ଭୟଭୀତ କରିଦେଇଛି।ଏଭଳି ଏକ ଘଟଣା କୌଣସି ମହା ଅନିଷ୍ଟର ପୂର୍ବ ସଂକେତ ବୋଲି ମନେ ହେଉଛି । ଆଗକୁ ରାଜ୍ୟ, ଦେଶ ଏବଂ ସାରା ବିଶ୍ୱ ପାଇଁ ଅନେକ ବିପଦ ମାଡ଼ି ଆସୁଛି ବୋଲି ଚର୍ଚ୍ଚା ଆରମ୍ଭ ହୋଇଛି । ତେଣୁ ଏସବୁ ବିପଦରୁ ରକ୍ଷା ପାଇବା ପାଇଁ ଏବେ ସମସ୍ତେ ମହାପ୍ରଭୁଙ୍କୁ ଗୂହାରି କରୁଛନ୍ତି।
ସାରା ବିଶ୍ୱକୁ ମାଡ଼ି ଆସୁଛି ମହାବିପଦ… ସାରା ପୃଥିବୀରେ ଦେଖାଦେବ ଦୁର୍ଭିକ୍ଷ । ସବୁଠି ଶୁଭିବ ହାହାକାର, ପୁଣି ଆସିବ ମହାମାରୀ… ରାଜା-ରାଣୀଙ୍କ ଜୀବନ ପ୍ରତି ରହିଛି ବିପଦ, ରାଜ୍ୟକୁ ବି ମାଡ଼ି ଆସିବ ଘୋର ଅନିଷ୍ଟ । ନିଳାଦ୍ରୀ ମହୋଦୟଃ ଗ୍ରନ୍ଥରେ ଲେଖା ରହିଛି ଏଭଳି ଅନେକ ବିପଦର ପୂର୍ବାନୁମାନ ।
ମନ୍ଦିର ଉପରେ ବିପଦ ଆସିଲେ ବିଶ୍ୱ ରାଷ୍ଟ୍ର ଏବଂ ରାଜ୍ୟ ପ୍ରତି କଣ ସବୁ ବିପଦ ଆସେ ତାହା ଏହି ନିଳାଦ୍ରୀ ମହୋଦୟ ଗ୍ରନ୍ଥରେ ଲେଖା ରହିଛି । ଏହା ସହ ସେହି ସବୁ ବିପଦକୁ କେମିତି ରୋକା ଯାଇପାରିବ ତାହା ମଧ୍ୟ ଲେଖା ରହିଛି । ତେବେ ଗତକାଳି ବଡ଼ଠାକୁର ରଥରୁ ଗଳିପଡ଼ିବା ପରେ ଏମିତି କିଛି ପୌରାଣିକ ଉବାଚ ସୋସିଆଲ ମିଡିଆରେ ଭାଇରାଲ ହେଉଛି । ଏହା ପୂର୍ବରୁ ମଧ୍ୟ ଯେତେବେଳେ ୨୦୨୩ରେ ଜଗନ୍ନାଥ କଡ଼ ଖାଇଥିଲେ ସେତେବେଳେ ମଧ୍ୟ ଏହି କଥା ଭାଇରାଲ ହୋଇଥିଲା ।