ଲରେନ୍ସ ବିଷ୍ଣୋଇ ଯାହାଙ୍କ ନାଁ ଶୁଣିଲେ ବଡ ବଡ ନେତାଙ୍କ ଠାରୁ ଆରମ୍ଭ କରି ଅଭିନେତା ଏମିତିକି ସାଧାରଣ ଜନତା ମାନେ ବି ଡରନ୍ତି। ଭୟଙ୍କର କୁଖ୍ୟାତ ଗ୍ୟାଙ୍ଗଷ୍ଟାର ଭାବରେ ଲରେନ୍ସ ନାଁ ଆଗରେ ରହିଛି। କିନ୍ତୁ ବାସ୍ତବରେ ସଲମାନଖାନଙ୍କୁ ହତ୍ୟା ଧମକ ଦେଉଥିବା ଲରେନ୍ସ ବିଷ୍ଣୋଇ ବି ଚାହିଁଥିଲା ନିଜ ଗାର୍ଲଫ୍ରେଣ୍ଡ ସହିତ ସାରା ଜୀବନ କାଟିବ ବୋଲି। ଲରେନ୍ସ ପାଠପଢି ଭଲ ଚାକିରୀ କରିବା ସହିତ ନିଜ ଜୀବନ ଠାରୁ ଭଲ ପାଉଥିବା ଗାର୍ଲଫ୍ରେଣ୍ଡକୁ ବାହା ହେଇ ଏକ ସୁନ୍ଦର ଜୀବନ ବିତେଇବା ପାଇଁ ଚାହୁଁଥିଲେ।
ହେଲେ ତାଙ୍କ ପ୍ରେମ କାହାଣୀରେ ଏମିତି ଏକ ମୋଡ ଆସିଲା ଯାହା କି ତାଙ୍କ ଜୀବନକୁ ପୁରା ବଦଳାଇଦେଲା। ଆଉ କଲେଜରେ ସବୁ ଯାହାଙ୍କର କ୍ରସ୍ ଥିବା ଲରେନ୍ସ ହଠାତ୍ ବନିଗଲା କୁଖ୍ୟାତ ଗ୍ୟାଙ୍ଗଷ୍ଟାର୍। ତେବେ ୨୦୦୮ ମସିହାରେ ଲରେନ୍ସ ବିଷ୍ଣୋଇଙ୍କ ପ୍ରେମ କାହାଣୀ। ଲରେନ୍ସ ଦଶମ ଶ୍ରେଣୀରେ ପାଠ ପଢୁଥିବା ସମୟରେ ତାଙ୍କ କ୍ଲାସରେ ଥିଲା ଜଣେ ଝିଅ ଯାହାର ନାଁ ଥିଲା କାଜଲ। କାଜଲକୁ ପ୍ରଥମ ଦେଖାରେ ହିଁ ଭଲ ପାଇ ବସିଥିଲେ ଲରେନ୍ସ ଆଉ କାଜଲ ବି ଲରେନ୍ସକୁ ବହୁତ୍ ପସନ୍ଦ କରୁଥାଏ।
ଆଉ ଏହାରି ଭିତରେ ଧିରେ ଧିରେ ଦୁହିଁଙ୍କ ମଧ୍ୟରେ ବନ୍ଧୁତା ବଢିବାରେ ଲାଗିଥିଲା। ଲରେନ୍ସ ପିଲା ଦିନରୁ ହିଁ ବହୁତ୍ ଷ୍ଟାଇଲିସ ଥିବାବେଳେ ଦାମୀ ଦାମୀ ଡ୍ରେସ ପିନ୍ଧିବାକୁ ସେ ବହୁତ ପସନ୍ଦ କରୁଥିଲା। ଘରେ କୌଣସି ଆର୍ଥିକ ଅନଟନ ନଥିବାରୁ ବାପା ମା ଲରେନ୍ସର ସବୁ ଇଚ୍ଛାକୁ ପୂରଣ କରୁଥିଲେ। ଆଉ ଅନ୍ୟପଟେ ଲରେନ୍ସ ଓ କାଜଲଙ୍କ ପ୍ରେମ କାହାଣୀ ଧିରେ ଧିରେ ଆଗକୁ ବଢ଼ୁଥାଏ। ଦ୍ବାଦଶ ସାରି ଦୁହେଁ ଚଣ୍ଡୀଗଡର ଡିଏଭି କଲେଜରେ ଆଡ଼ମିସନ କରିଥିଲେ। ଦୁହେଁ ଏକାଠି ହେଇ ନିଷ୍ପତି ନେଇଥିଲେ ଯେ ପାଠପଢା ସାରିବା ପରେ ବାହା ହେଇଯିବେ।
ହେଲେ ଏହାରି ଭିତରେ ବଦଳି ଯାଇଥିଲା ଲରେନ୍ସଙ୍କ ମନ ସେ ପାଠପଢା ଛାଡ଼ି ନେତାଗିରି କରିବା ଆରମ୍ଭ କରିଦେଇଥିଲେ। ଆଉ ସେହି ନେତାଗିରିରେ ବଳୀ ପଡ଼ିଯାଏ କାଜଲ। କଲେଜରେ ନେତା ବନିବାକୁ ଲରେନ୍ସର ଥିଲା ଭାରି ଇଚ୍ଛା। ଆଉ ତା’ର ସେହି ଇଚ୍ଛା ଆଉ ସାହାସିକତା ପାଇଁ ତାର ଅନେକ ସାଙ୍ଗ ହେଇଯାଇଥିବା ବେଳେ ଶତ୍ରୁ ସଂଖ୍ୟା ବି କିଛି କମ ନଥିଲା। ଲରେନ୍ସ କଲେଜରେ ଧିରେ ଧିରେ ଲୋକ ପ୍ରିୟତା ହାସଲ କରିବାକୁ ଲାଗୁଥିଲେ ଯାହାକୁ ଦେଖି ତା’ର ବିରୋଧ ମାନେ ଇର୍ଷା କରିବା ଆରମ୍ଭ କରି ଦିଅନ୍ତି। ଏସବୁ ଭିତରେ ଯେଉଁ ଛାତ୍ର ନିର୍ବାଚନରେ ଲରେନ୍ସ ଜୟଯୁକ୍ତ ହେଇ ନେତା ବନିବାକୁ ଚାହୁଁଥିଲା ହେଲେ ତାର ସବୁ ଇଚ୍ଛା ଅଧାରେ ରହିଗଲା।
ତା’ର ବିରୋଧୀ ଦଳ ଜିତିବା ପରେ ହାରିଯାଇଥିଲା ଲରେନ୍ସ। ଆଉ ତା’ପରେ ବିରୋଧୀ ଦଳ ଟାର୍ଗେଟରେ ରହିଲା ଲରେନ୍ସ ବିଷ୍ଣୋଇ। ଲରେନ୍ସ ଆଉ କାଜଲଙ୍କର ଭଲ ପାଇବାକୁ ଦେଖି ସହି ପାରୁନଥିଲା ବିରୋଧୀ ଦଳ ତେଣୁ ଦୁହିଁଙ୍କୁ ଅଲଗା କରିବା ପାଇଁ ରଚିଥିଲେ ବିରାଟ ବଡ ଷଡ଼ଯନ୍ତ୍ର। ୨୦୧୧ ମସିହା ବିରୋଧୀ ଦଳ ଲରେନ୍ସ ଠାରୁ ପ୍ରତିଶୋଧ ନେବା ପାଇଁ କଲେଜରେ ସମସ୍ତଙ୍କ ଆଗରେ କାଜଲକୁ ଜିଅନ୍ତା ଜାଳି ଦିଅନ୍ତି ଯାହାକି ଦେଖି ଦୁଃଖରେ ଭାଙ୍ଗି ପଡ଼ିଥିଲେ ଲରେନ୍ସ। ଆଉ ସବୁଦିନ ପାଇଁ ନିଜର ହିତାହିତ ଜ୍ଞାନ ହରାଇ ବସିଥିଲା ଲରେନ୍ସ। ଆଖି ଆଗରେ ନିଜ ପ୍ରେମିକାକୁ ଜଳି ଯାଉଥିବାର ଦେଖି ସହି ପାରିନଥିଲା ଲରେନ୍ସ ଆଉ ସେହିଦିନ ଠାରୁ ବଦଳି ଯାଇଥିଲା ଲରେନ୍ସର ଜୀବନ।