ଅନ୍ଧାର ରାତିର ସୁଯୋଗ ନେଇ ଲେଡିଜ୍ ହଷ୍ଟେଲ ଭିତରେ ପଶୁଛନ୍ତି ଯୁବକ । ଝିଅମାନେ ଶୋଇଥିବା ସମୟରେ ହଷ୍ଟେଲ ଭିତରକୁ ପଶୁଛନ୍ତି ଯୁବକମାନେ । କବାଟ ଝରକା ବାଡେଇ ସେମାନେ ବାହାରକୁ ମଧ୍ୟ ଡାକୁଛନ୍ତି ।
ହଷ୍ଟେଲ ଭିତରେ କ୍ୟାମେରା ଲାଗିଥିଲେ ଶୁଦ୍ଧା ସେମାନେ ହଷ୍ଟେଲ କରେଣ୍ଟ କାଟି ଚାରିଆଡ଼େ ଅନ୍ଧାର କରି ଦେଉଛନ୍ତି । ଆଉ ସେହି ଅନ୍ଧାରର ସୁଯୋଗ ନେଇ ହଇରାଣ କରୁଛନ୍ତି ଅସାମାଜିକ ଯୁବକମାନେ ।
ରାତି ହେବା ମାତ୍ରେ କଲେଜ୍ ର ଲେଡିଜ୍ ହଷ୍ଟେଲ ଭିତରେ ପଶୁଛନ୍ତି ମାଳମାଳ ଯୁବକ । ହଷ୍ଟେଲ ଭିତରେ ଛାତ୍ରୀମାନେ ଶୋଇଥିବା ସମୟ ରେ ଏହି ରୁମ୍ ରୁ ସେ ରୁମ୍ କୁ ଯାଇ ଯୁବକମାନେ କବାଟ ଖୋଲିବାକୁ ଚେଷ୍ଟା କରୁଛନ୍ତି ।
ଏଭଳି କିଛି ଘଟଣା ଦେଖିବାକୁ ମିଳିଛି ଜଗତସିଂପୁରର ବହୁ ଚର୍ଚ୍ଚିତ ଏସଭିଏମ ଲେଡିଜ୍ ହଷ୍ଟେଲ ପରିସରରେ । ସୁଚନା ମୁତାବକ ଲେଡିଜ୍ ହଷ୍ଟେଲ ଭିତରେ କିଛି ଅସାମାଜିକ ଯୁବକମାନେ ପଶି ଆତଙ୍କ ସୃଷ୍ଟି କରୁଛନ୍ତି ।
ଦେଖନ୍ତୁ ଭିଡିଓ :-
ଛାତ୍ରୀ ମାନେ ଏହା ମଧ୍ୟ ଅଭିଯୋଗ କରିଛନ୍ତି ଯେ ସେମାନେ ହଷ୍ଟେଲରେ ଥିବା ସମୟରେ ମଧ୍ୟ ବାହାର ପଟୁ କବାଟ ବନ୍ଦ୍ କରି ଦେଉଛନ୍ତି, ତ ପୁଣି କେତେବେଳେ ତାଙ୍କର କବାଟ ଝରକା ବାଡେଇ ତାଙ୍କୁ ହଇରାଣ କରୁଛନ୍ତି ।
ଯାହାକୁ ନେଇ ଏବେ ଛାତ୍ରୀମାନେ ଭୟରେ ଥିବା ବେଳେ ନିଜ ଜୀବନ ପ୍ରତି ବିପଦ ଥିବାର ସୁଚନା ଦେଇଛନ୍ତି । ଏହି ଲେଡିଜ୍ ହଷ୍ଟେଲରେ ପ୍ରାୟ ଏକ ଶହ ରୁ ଅଧିକା ଛାତ୍ରୀମାନେ ରହୁଛନ୍ତି ।
ଆଉ ଏଭଳି ପରିସ୍ଥିତି ରେ କିଭଳି ଭାବରେ ଏହି ଅସାମାଜିକ ଯୁବକମାନେ ହଷ୍ଟେଲ ଭିତରକୁ ପ୍ରବେଶ କରୁଛନ୍ତି ଏନେଇ ଏବେ ପ୍ରଶ୍ନ କରିଛନ୍ତି ଛାତ୍ରୀମାନେ । ଆଉ ସେମାନେ ଏବେ ଖୁବ୍ ଚିନ୍ତାରେ ମଧ୍ୟ ଅଛନ୍ତି । କାରଣ ଏଭଳି ଘଟଣା ପ୍ରାୟତଃ ସାତ ଦିନ ହେବ ଘଟିବାରେ ଲାଗିଛି । ଯାହାକୁ କି ପ୍ରତ୍ୟେକ କ୍ଷେତ୍ରରେ ଖୁବ୍ ନିନ୍ଦା ମଧ୍ୟ କରାଯାଉଛି ।