ରାଜଧାନୀର ୧୫ଟି ପ୍ରେକ୍ଷାଳୟରେ ରିଲିଜ ହୋଇଛି କଳ୍ପନା ଫିଲ୍ମ ବ୍ୟାନରରେ ନିର୍ମିତ ଚଳଚିତ୍ର ‘ରାଉଡ଼ି ରାଜା’ । ଓଲିଉଡ଼ ଇଣ୍ଡଷ୍ଟ୍ରୀର ଚୁଲବୁଲି ନାୟିକା ଶ୍ରଦ୍ଧା ପାଣିଗ୍ରାହୀ ଏହି ଚଳଚିତ୍ରରେ ପ୍ରମୁଖ ଭୂମିକାରେ ଅଭିନୟ କରିବାକୁ ଯାଉଛନ୍ତି ।
ଭୁବନେଶ୍ୱର ସ୍ଥିତ ଡି ଏନ୍ ରେଗାଲିଆ ଆଇନକ୍ସ ରେ ପ୍ରିମିଅର ଶୋ ହୋଇଥିବା ବେଳେ ଏଥିରେ ପ୍ରଯୋଜକ ସଚ୍ଚିକାନ୍ତ ଜେନା, ବିନି ପଟ୍ଟନାୟକ, ପ୍ରଣୟ ଜେଠୀ, ଗଙ୍ଗାଧର ରେଡ୍ଡୀ, ଟୁଟୁ ନାୟକ, ରମେଶ ବାରିକ ଏବଂ ଅଭିନେତା ବବି ମିଶ୍ର, ସୋହମ ସିଂହ, ଅଭିଷେକ ଗିରି ଏବଂ ଶ୍ରଦ୍ଧା ଯୋଗ ଦେଇଥିଲେ ।
ସେମାନେ ଚଳଚ୍ଚିତ୍ରଟିକୁ ସମ୍ପୂର୍ଣ୍ଣ ଦେଖିବା ସହିତ ଏହାକୁ ଖୁବ୍ ପ୍ରଶଂସା ମଧ୍ୟ କରିଥିଲେ । ଓଡ଼ିଆ ପରିବାରର ମୌଳିକ କାହାଣୀ ସହିତ ଏଥିରେ ଆକ୍ସନ, ରୋମାନ୍ସ ଏବଂ ଭରପୂର୍ କମେଡି ଦେଖିବାକୁ ମିଳିବ । କଳ୍ପନା ସିଂହ ଏହାକୁ ପ୍ରଯୋଜନା କରିଥିବା ବେଳେ ନିର୍ଦ୍ଦେଶନା ଦେଇଛନ୍ତି ରମେଶ ରାଉତ । ସେହିଭଳି ଭାବରେ ସୋହମ ସିଂହ ମୁଖ୍ୟ ଅଭିନେତା ଏବଂ ତାଙ୍କ ବିପକ୍ଷରେ ଶ୍ରଦ୍ଧା ରହିଛନ୍ତି ।
ଦେଖନ୍ତୁ ଭିଡିଓ :-
ପ୍ରିମିୟର ସୋ ପରେ ଶ୍ରଦ୍ଧା ଚଳଚିତ୍ରଟିକୁ ହଲ୍ ରେ ଆସି ଦେଖିବା ପାଇଁ ଦର୍ଶକଙ୍କୁ ଗଣମାଧ୍ୟମ ଯୋଗେ ନିବେଦନ କରିଥିଲେ । ଏହା ବ୍ୟତୀତ ସେ ନିଜ କାମ ଏବଂ ଜୀବନ ବିଷୟରେ ମଧ୍ୟ କିଛି ରୋଚକ କଥା କହିଥିଲେ । ଅଫ-ସ୍କ୍ରିନ୍ ସେ ବିଶେଷ କାହା ସହିତ ମିଶନ୍ତି ନାହିଁ, ତେଣୁ ଆକ୍ଟିଂ ସମୟରେ ରୋମାନ୍ସ କରିବା ପାଇଁ କିଛି କଳାକାର ତାଙ୍କ ସହିତ ଡ଼ରନ୍ତି ବୋଲି କୁହନ୍ତି ଶ୍ରଦ୍ଧା ।