ଏପରି ଏକ ଅଭାବନୀୟ ଘଟଣା ଘଟିଯାଇଛି କନ୍ଧମାଳ ଜିଲ୍ଲା ସ୍ଥିତ ତୁଗୁଳିବନ୍ଧ ଥାନା ବଡ଼କେନ୍ଦୁଲି ଗାଁ ରେ। ଯେଉଁଠାରେ ନିଜ ଜନ୍ମଦାତା ଙ୍କୁ ମାରିବା ପାଇଁ ତାଙ୍କ ଉପରକୁ ଏସିଡ ଫିଙ୍ଗିଦେଇଥିଲା ଝିଅ। ନିଜ ପ୍ରେମିକ ସହିତ ମିଶି ଷଡ଼ଯନ୍ତ୍ର କରିଥିଲା ଝିଅ।
ରାତିରେ ଶୋଇଥିବା ଅବସ୍ଥାରେ ପ୍ରେମିକ ସହ ମିଶି ବାପା ଉପରକୁ ଏସିଡ ପକାଇଥିଲା ଝିଅ, ହେଲେ ବାପାଙ୍କ ସହିତ ପାଖରେ ଶୋଇଥିବା ଭାଇ ମଧ୍ୟ ଆହତ ହୋଇଛନ୍ତି।
ପୁରା ଘଟଣାଟି ହେଉଛି ବାପା ମୋହନଙ୍କ ପ୍ରଥମ ପତ୍ନୀ ଙ୍କ ଝିଅ ପୁଷ୍ପାଞ୍ଜଳି ର ବିଜୟ ସହ ପ୍ରେମ ସମ୍ପର୍କ ଥିଲା। ଯାହାକୁ ବିରୋଧ କରିଥିଲେ ବାପା ମୋହନ। କିଛି ଦିନ ତଳେ ଅଭିଯୁକ୍ତ ବିଜୟ ର ମାଙ୍କ ମୃତ୍ୟୁ ଘଟିଥିଲା। ବାପା ମୋହନ ଗୁଣି ଗାରେଡି କରି ବିଜୟର ମାଙ୍କୁ ମାରି ଥିବାର ସନ୍ଦେହ କରିଥିଲେ ବିଜୟ ଏବଂ ପୁଷ୍ପାଞ୍ଜଳି।
ଏଥିରେ ରାଗି ବାପା ଙ୍କୁ ମାରିବାର ଷଡ଼ଯନ୍ତ୍ର କରିଥିଲେ ଦୁହେଁ। କୋଲକତା ରୁ ଏସିଡ ଆଣି ବିଜୟ ଦେଇଥିଲା ପୁଷ୍ପାଞ୍ଜଳି କୁ। ଗତ ୧୯ ତାରିଖରେ ଶୋଇଥିବା ବେଳେ ବାପା ଉପରକୁ ଏସିଡ ପକାଇଥିଲା ଝିଅ ହେଲେ ବାପା ସହ ପାଖରେ ଶୋଇଥିବା ଭାଇ ମଧ୍ୟ ଏହାର ଶିକାର ହୋଇଥିଲା।
ବର୍ତ୍ତମାନ ବାପା ପୁଅ ଙ୍କୁ ସଙ୍କଟାପନ୍ନ ଅବସ୍ଥାରେ ଫୁଲବାଣୀ ହସ୍ପିଟାଲ ରେ ଚିକିତ୍ସା କରାଯାଉଛି। ପୋଲିସ ଏହାର ତଦନ୍ତ କରି ବିଜୟ ଏବଂ ପୁଷ୍ପାଞ୍ଜଳି କୁ ଗିରଫ କରିବା ସହିତ ବଳକା ଏସିଡ ଜବତ କରିଛି। ଦୁଇଜଣ ଯାକ ନିଜ ଦୋଷ ସ୍ବୀକାର କରିଛନ୍ତି।