ଶନିବାର ସଂସଦରେ ସାଧାରଣ ବଜେଟ ଆଗତ ହୋଇଛି । ଅର୍ଥମନ୍ତ୍ରୀ ନିର୍ମଳା ସୀତାରମଣ ୨୦୨୫-୨୬ ଆର୍ଥିକ ବର୍ଷର ବଜେଟ ଆଗତ କରିଛନ୍ତି । ଲଗାତାର ଅଷ୍ଟମ ଥର ପାଇଁ ସୀତାରମଣ ବଜେଟ ଉପସ୍ଥାପନ କରିଛନ୍ତି । ବଜେଟ ଉପସ୍ଥାପନ ବେଳେ ଅର୍ଥମନ୍ତ୍ରୀ କେଉଁ କେଉଁ ଜିନିଷ ଶସ୍ତା ହେବ ତାହାର ତଥ୍ୟ ମଧ୍ୟ ରଖିଛନ୍ତି ।
ମଧ୍ୟବିତ୍ତଙ୍କ ପାଇଁ ସରକାରଙ୍କ ବଡ ଘୋଷଣା ରହିଛି । ୧୨ ଲକ୍ଷ ଟଙ୍କା ଆୟ ପଯ୍ୟନ୍ତ ଦେବାକୁ ପଡିବନି ଆୟକର । କ୍ୟାପିଟାଲ ଗେନ ଛଡ଼ା ଅନ୍ୟ ଆୟ ୧୨ ଲକ୍ଷ ପର୍ଯ୍ୟନ୍ତ ଟିକସ ଛାଡ଼ ନେଇ ଘୋଷଣା କରାଯାଇଛି । କ୍ୟାପିଟାଲ ଗେନ ଥିଲେ ୮ରୁ ୧୨ ଲକ୍ଷ ପର୍ଯ୍ୟନ୍ତ ଆୟକର ୧୦ ପ୍ରତିଶତ ରହିଛି । ୧୨ରୁ ୧୬ ଲକ୍ଷ ପର୍ଯ୍ୟନ୍ତ ଆୟ ପାଇଁ ୧୫ ପ୍ରତିଶତ ଟିକସ ରହିଛି । ୧୬ ଲକ୍ଷରୁ ୨୦ ଲକ୍ଷ ପର୍ଯ୍ୟନ୍ତ ଆୟ ପାଇଁ ୨୦ ପ୍ରତିଶତ ଟିକସ ରହିଛି । ୨୪ଲକ୍ଷରୁ ଅଧିକ ଆୟ ପାଇଁ ଟିକସ ୩୦ ପ୍ରତିଶତ ରହିଛି । ୧୨ ଲକ୍ଷ ପର୍ଯ୍ୟନ୍ତ ଆୟ ଥିଲେ ବାର୍ଷିକ ୮୦ ହଜାର ଟଙ୍କା ବଞ୍ଚିବ। ୧୮ ଲକ୍ଷ ପର୍ଯ୍ୟନ୍ତ ଆୟ ଥିଲେ ବାର୍ଷିକ ୭୦ ହଜାର ଟଙ୍କା ବଞ୍ଚିବ।
କଣ ହେଲା ଶସ୍ତା :
ମେଡିକାଲ ଉପକରଣ, ମୋବାଇଲ, କାର୍, ବ୍ୟାଟେରୀ, ଇଲେକ୍ଟ୍ରିକ ଗାଡ଼ି, ଏଲଇଡି ଟିଭି, ଲିଥିୟମ ଆୟନ ବ୍ୟାଟେରୀ, କପଡ଼ା, ଜୋତା, ପର୍ସ, ଲେଦର ଜ୍ୟାକେଟ୍, ବୈଦ୍ୟୁତିକ ଉପକରଣ, ୬୫ ଔଷଧ ଉପରୁ ସୀମା ଶୁଳ୍କ ଛାଡ ହେବ। ବୁଣାକାରଙ୍କ ପ୍ରସ୍ତୁତ କପଡା ବି ଶସ୍ତା ହେବ।
କେସିସି ସୀମା ବୃଦ୍ଧି ପାଇଛି :
ଅର୍ଥମନ୍ତ୍ରୀ ନିର୍ମଳା ସୀତାରମଣ ଚାଷୀଙ୍କ ପାଇଁ ଏକ ବଡ଼ ଘୋଷଣା କରି କହିଛନ୍ତି ଯେ ଏବେ କେସିସି ସୀମା ୫ ଲକ୍ଷ ଟଙ୍କାକୁ ବୃଦ୍ଧି କରାଯିବ।
ମହଙ୍ଗା ହୋଇଥିବା ସାମଗ୍ରୀ :
କିଛି ସାମଗ୍ରୀ ମହଙ୍ଗା ହେବାକୁ ଯାଉଛି, ବିଶେଷକରି ଟେକ୍ନୋଲୋଜି ଏବଂ ଉତ୍ପାଦନ କ୍ଷେତ୍ରରେ ମହାଙ୍ଗା ହେବ। କେନ୍ଦ୍ର ଇଣ୍ଟରାକ୍ଟିଭ୍ ଫ୍ଲାଟ୍-ପ୍ୟାନେଲ୍ ଡିସପ୍ଲେ ଉପରେ ମୌଳିକ କଷ୍ଟମ୍ସ ଡ୍ୟୁଟିକୁ ୧୦% ରୁ ୨୦% କୁ ବୃଦ୍ଧି କରିବାକୁ ପ୍ରସ୍ତାବ ଦିଆଯାଇଛି। କେନ୍ଦ୍ର ଅସ୍ଥାୟୀ ମୂଲ୍ୟାଙ୍କନ ପାଇଁ ଦୁଇ ବର୍ଷର ସମୟ ସୀମା ପ୍ରଚଳନ କରିଥିଲା, ଯାହା ବ୍ୟବସାୟ ପାଇଁ ଦ୍ରୁତ ଏବଂ ଅଧିକ ଦକ୍ଷ କଷ୍ଟମ୍ସ କ୍ଲିୟରାନ୍ସ ସୁନିଶ୍ଚିତ କରିବ। ଏହି ପରିବର୍ତ୍ତନ ଆମଦାନୀ ଏବଂ ରପ୍ତାନି ସହିତ ଜଡିତ କିଛି ଶିଳ୍ପକୁ ପ୍ରଭାବିତ କରିବ।
ବୁଣା କପଡ଼ା, ବିଳାସପୂର୍ଣ୍ଣ ସାମଗ୍ରୀ, ମଦ୍ୟପାନ, ତମାଖୁ ଏବଂ ଅଣ-ଆବଶ୍ୟକୀୟ ଆମଦାନୀ ଉପରେ ଅଧିକ ଟିକସ ଲାଗୁ ହୋଇପାରେ। ପରିବେଶିକ ପ୍ରଭାବକୁ ହ୍ରାସ କରିବା ପ୍ରୟାସର ଅଂଶ ସ୍ୱରୂପ ପ୍ରଦୂଷଣକାରୀ ଯାନବାହନ ଉପରେ ମଧ୍ୟ ଶୁଳ୍କ ବୃଦ୍ଧି ହୋଇପାରେ। ପ୍ଲାଷ୍ଟିକ୍ ଉତ୍ପାଦ ଉପରେ କଷ୍ଟମ୍ସ ଡ୍ୟୁଟି ବୃଦ୍ଧି ହୋଇଛି। ନିଟେଡ୍ ଫାବ୍ରିକ୍, ଫ୍ଲାଟ୍ ସ୍କ୍ରିନ୍ ଟିଭି ମହଙ୍ଗା ହେବ ବୋଲି ଅର୍ଥମନ୍ତ୍ରୀ ଘୋଷଣା କରିଛନ୍ତି।