ଜଣେ ପ୍ରଶଂସକଙ୍କ ଓଠକୁ ଚୁମ୍ବନ କରିବାର ଭିଡିଓ ସାମ୍ନାକୁ ଆସିବା ପରଠାରୁ ବିବାଦରେ ଅଛନ୍ତି ବଲିଉଡ ଗାୟକ ଉଦିତ ନାରାୟଣ।
ଉଲ୍ଲେଖଯୋଗ୍ୟ, ଉଦିତ ନାରାୟଣଙ୍କ ଭାଇରାଲ ହୋଇଥିବା ଭିଡିଓରେ ଦେଖାଯାଇଥିଲା ଯେ, ‘ଟିପ୍ ଟିପ୍ ବରସା ପାଣି’ ଗୀତ ଗାଉଛନ୍ତି। ଏହି ସମୟରେ, ତାଙ୍କର ଜଣେ ମହିଳା ପ୍ରଶଂସକ ତାଙ୍କ ସହିତ ସେଲଫି ନେବାକୁ ମଞ୍ଚ ପାଖକୁ ଆସୁଛନ୍ତି। ସେଲଫି ନେବା ପରେ ମହିଳା ପ୍ରଶଂସକଜଣକ ତାଙ୍କ ଗାଲରେ ଚୁମ୍ବନ ଦେଉଛନ୍ତି। ଏହା ପରେ ଗାୟକ ଜଣକ ମହିଳାଙ୍କ ଓଠରେ ଚୁମ୍ବନ ଦେଉଛନ୍ତି। ଏହା ଦେଖି ମହିଳା ଆଶ୍ଚର୍ଯ୍ୟ ହୋଇଯାଇଥିବା ବେଳେ ଉପସ୍ଥିତ ଲୋକେ ଜୋରରେ ପାଟି କରୁଛନ୍ତି।
ଏହି ଭିଡ଼ିଓ ଭାଇରାଲ ହେବା ପରେ ଲୋକେ ତାଙ୍କୁ ଟ୍ରୋଲ କରୁଥିବା ବେଳେ, ବଲିଉଡ ଗାୟକ ଅଭିଜିତ ଭଟ୍ଟାଚାର୍ଯ୍ୟ ତାଙ୍କ ସମର୍ଥନରେ ବାହାରିଛନ୍ତି।
ଉଦିତ ନାରାୟଣଙ୍କୁ ନେଇ ହେଉଥିବା ବିବାଦ ବିଷୟରେ ଅଭିଜିତ ଭଟ୍ଟାଚାର୍ଯ୍ୟ କହିଛନ୍ତି, “ଗାୟକମାନଙ୍କ ପାଇଁ ଏପରି ଘଟଣା ଅସାଧାରଣ ନୁହେଁ। ଉପଯୁକ୍ତ ସୁରକ୍ଷା କିମ୍ବା ବାଉନ୍ସର ବିନା ପ୍ରଶଂସକମାନେ ବେଳେ ବେଳେ ଅତ୍ୟଧିକ ଉତ୍ସାହିତ ହୋଇଯାଆନ୍ତି। ଏହା ପ୍ରଥମ ନୁହେଁ, ଏଭଳି ଘଟଣା ଆଗରୁ ଅନେକ ଥର ଘଟିଛି। ମୋ ସହ ମଧ୍ୟ ଘଟିଛି। ପୂର୍ବରୁ ବିଦେଶକୁ କନସର୍ଟ ପାଇଁ ଯିବା ପରେ ମହିଳା ପ୍ରଶଂସକ ମୋତେ ଆଲିଙ୍ଗନ କରି ଚୁମ୍ବନ ଦିଅନ୍ତି। ଯଦି ଉଦିତଙ୍କ କଥା କହିବା ତେବେ ସେ କେବେ ବି କୌଣସି ମହିଳାଙ୍କୁ ତାଙ୍କ ପାଖକୁ ଆସିବାକୁ ବାଧ୍ୟ କରନ୍ତି ନାହିଁ। ତାଙ୍କର କ୍ରେଜ୍ ଏତେ ଯେ, ମହିଳାମାନେ ତାଙ୍କ ପଛରେ ପଡ଼ନ୍ତି।